Пра тое, што ён не будзе сустракацца з лідарам КНДР у Сінгапуры, Трамп напісаў Кім Чэн Ыну ў лісце, які апублікаваны ў афіцыйным Twitter Белага дома.
Першы ў гісторыі амерыкана-паўночнакарэйскі саміт павінен быў адбыцца ў Сінгапуры.
Амерыканскі прэзідэнт у пасланні паўночнакарэйскім лідару паведаміў, што Вашынгтон і Пхеньян доўга абмяркоўвалі сустрэчу лідараў дзвюх краін, якая павінна была адбыцца 12 чэрвеня ў Сінгапуры. «Я вельмі хацеў сустрэцца з вамі. На жаль, пасля вашых апошніх заяў, у якіх адчувалася адкрытая варожасць, я лічу недарэчным правядзенне гэтага саміту. Сустрэча ў Сінгапуры не адбудзецца», — напісаў Трамп.
«Вы кажаце пра магчымасці сваёй ядзернай зброі, але нашы магчымасці настолькі вялікія, што я малю Бога аб тым, каб мы яе ніколі не выкарыстоўвалі», — паведаміў ён.
Чытайце таксама: Паўночная Карэя прыгразіла сарваць перамовы з Трампам
Трамп пры гэтым адзначыў важнасць наладжвання дыялогу з КНДР. «Калі-небудзь я спадзяюся сустрэцца з вамі. Карыстаючыся выпадкам, хачу падзякаваць вам за вызваленне амерыканскіх закладнікаў, якія цяпер знаходзяцца дома. Гэта быў прыгожы жэст, за які мы вельмі ўдзячныя», — заявіў ён.
«Калі вы зменіце свае падыходы і захочаце сустрэцца, не саромейцеся — тэлефануйце, пішыце. Зараз увесь свет і КНДР у прыватнасці пазбавіліся выдатнага шанцу на мір і будучы росквіт. Гэтая страчаная магчымасць — сапраўды сумны момант для сусветнай гісторыі», — напісаў у канцы Трамп.
A letter from the President to Chairman Kim Jong Un: "It is inappropriate, at this time, to have this long-planned meeting." pic.twitter.com/3dDIp55xu1
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары