Намеснік міністра эканомікі паедзе ў Кітай па новыя льготныя крэдыты
Пытанні прадастаўлення Беларусі льготных крэдытных рэсурсаў Кітая абмяркуюць 1 чэрвеня ў Пекіне, паведамляе БелТА.
Намеснік міністра эканомікі Павел Уцюпін знаходзіцца з працоўным візітам у Пекіне. На 1 чэрвеня запланавана яго сустрэча з намеснікам старшыні Дзяржаўнага агенцтва міжнароднага развіцця і супрацоўніцтва Чжоў Люцзынем.
Дзяржаўнае агенцтва міжнароднага развіцця і супрацоўніцтва створана падчас структурнай рэформы дзяржорганаў Кітая, абвешчанай сёлета ў сакавіку. Яно адказвае за рэалізацыю палітыкі і рэформ у галіне знешняй дапамогі.