Пасля замаху на Мадуру затрымалі 11 журналістаў, яшчэ некалькіх збілі і абрабавалі
Пасля замаху на прэзідэнта Венесуэлы Нікаласа Мадуру ўлады затрымалі 11 журналістаў. Пра гэта паведаміў у сваім Twitter у нядзелю Нацыянальны прафсаюз работнікаў венесуэльскага друку.
«11 журналістаў і супрацоўнікаў СМІ былі неабгрунтавана затрыманыя, яшчэ некалькіх збілі або абрабавалі, - гаворыцца ў паведамленні. - Мы не прымаем такія дзеянні і патрабуем пакараць адказных за гэта парушэнне права на інфармацыю».
У ліку затрыманых прафсаюз згадвае супрацоўнікаў венесуэльскіх, іспанскіх і аргентынскіх выданняў.
Раней кіраўнік МУС Венесуэлы Нестар Ревероль пацвердзіў, што ўлады затрымалі шасцярых падазраваных у спробе забойства кіраўніка дзяржавы.