Беларускія банкі дасылаюць кліентам лісты з пастановай расійскага ўрада. Навошта?
Некалькі чытачоў «Нашай Нівы» — кліентаў розных банкаў — паведамілі, што ім прыйшлі лісты з давядзеннем новай пастановы расійскага ўрада.
Той самай, «Аб ужытку эканамічных захадаў у сувязі з несяброўскімі дзеяннямі Украіны», якая прадугледжвае санкцыі ў дачыненні асобных украінскіх кампаній.
Скрыншот паведамлення, якое прыйшло кліенту БСБ-банка
Навошта гэта ведаць беларусам?
Як тлумачаць у банках, яны дасылаюць паведамленні выключна для інфармавання, бо ў знешнеэканамічных угодах некаторых беларускіх кампаній могуць быць некалькі бакоў, у тым ліку расійскіх і ўкраінскіх — магчыма, акурат тых, хто трапіў пад санкцыі.
І таму кліентам варта, маўляў, улічыць гэтыя моманты ў планаванні бізнэсу.