Парламент Грэцыі зацвердзіў пагадненне аб перайменаванні Македоніі
У Грэцыі парламент прагаласаваў за ратыфікацыю пагаднення аб змене назвы Македоніі. За адпаведнае рашэнне прагаласавалі 153 дэпутаты, супраць — 146.
У чэрвені 2018 года Македонія і Грэцыя падпісалі гістарычнае пагадненне, згодна з якім Македонія зменіць сваю назву на Паўночную Македонію. Узамен Афіны разблакавалі перамовы аб далучэнні Македоніі да НАТА і ЕС. Спрэчкі краін адносна назвы «Македонія» працягваліся з 1990-х гадоў.
11 студзеня парламент Македоніі ухваліў унясенне паправак у Канстытуцыю, якія прадугледжваюць змяненне назвы краіны з Рэспублікі Македонія на Рэспубліку Паўночная Македонія.