Беларус выйграў расійскі суд за бесчалавечнае абыходжанне ў СІЗА. Яму выплацяць $62
Беларуса Анатоля Будыху затрымалі на тэрыторыі Расіі і пазней этапавалі ў Беларусь.
Асуджаны Анатоль Будыха звярнуўся ў Ленінскі раённы суд Смаленска з пазовам да мясцовага СІЗА пра грашовую кампенсацыю маральнай шкоды ў сувязі з парушэннем яго законных правоў і інтарэсаў у перыяд знаходжання пад вартай у СІЗА-1 Смаленска.
У сваім пазове Анатоль звярнуў увагу на антысанітарны стан камер, парушэнне нормы санітарнай плошчы камер на аднаго чалавека, адсутнасць належнага матэрыяльна-бытавога забеспячэння і неналежнае медыцынскае абслугоўванне.
У выніку суд вырашыў спагнаць на карысць Анатоля Будыхі 4 000 расійскіх рублёў (каля $62 у эквіваленце) у кошт грашовай кампенсацыі маральнай шкоды.