БЕЛ Ł РУС

Нарвежскага экс-міністра асудзілі на пяць гадоў за дамаганне да мужчын-бежанцаў

5.07.2019 / 19:53

Nashaniva.com

Былога губернатара правінцыі Трумс і міністра рыбалоўства Нарвегіі Свена Людзвігсана прысудзілі да пяці гадоў турмы за дамаганні да бежанцаў. Людзвігсан злоўжываў сваімі паўнамоцтвамі і выкарыстоўваў цяжкае становішча бежанцаў для задавальнення сэксуальных жаданняў, паведамляе NRK.

Людзвігсан некалькі гадоў схіляў да сэксу трох мужчын-бежанцаў, выхадцаў з мусульманскіх краін.

Пацярпелыя заявілі, што Людзвігсан прапаноўваў ім жыллё і працу ў абмен на сэкс. Два мужчыны прызналіся ў судзе, што баяліся, што ў іх адбяруць дазвол на пражыванне ў Нарвегіі, калі яны адмовяць чыноўніку.

Аднак экс-губернатар настойваў на тым, што інтымныя адносіны былі цалкам узаемнымі.

Аднак суд адзначыў, што цяжка ўявіць, каб трое маладых мусульман маглі выдумаць гісторыю, якая звязана з гомасэксуальнасцю, паколькі гэтая тэма вельмі стыгматызаваная ў мусульманскім асяроддзі.

Чытайце таксама:

Каментары да артыкула