Narviežskaha eks-ministra asudzili na piać hadoŭ za damahańnie da mužčyn-biežancaŭ
Byłoha hubiernatara pravincyi Trums i ministra rybałoŭstva Narviehii Śviena Ludźvihsana prysudzili da piaci hadoŭ turmy za damahańni da biežancaŭ. Ludźvihsan złoŭžyvaŭ svaimi paŭnamoctvami i vykarystoŭvaŭ ciažkaje stanovišča biežancaŭ dla zadavalnieńnia seksualnych žadańniaŭ, paviedamlaje NRK.
Ludźvihsan niekalki hadoŭ schilaŭ da seksu troch mužčyn-biežancaŭ, vychadcaŭ z musulmanskich krain.
Paciarpiełyja zajavili, što Ludźvihsan prapanoŭvaŭ im žyllo i pracu ŭ abmien na seks. Dva mužčyny pryznalisia ŭ sudzie, što bajalisia, što ŭ ich adbiaruć dazvoł na pražyvańnie ŭ Narviehii, kali jany admoviać čynoŭniku.
Adnak eks-hubiernatar nastojvaŭ na tym, što intymnyja adnosiny byli całkam uzajemnymi.
Adnak sud adznačyŭ, što ciažka ŭjavić, kab troje maładych musulman mahli vydumać historyju, jakaja źviazana z homaseksualnaściu, pakolki hetaja tema vielmi styhmatyzavanaja ŭ musulmanskim asiarodździ.