Амерыканская разведка: Расія перад выбарамі праводзіла кампанію па ачарненні Байдэна
Улады Расіі падчас прэзідэнцкіх выбараў у ЗША 2020 года арганізавалі кампанію па «ачарненні» кандыдата ад Дэмакратычнай партыі Джо Байдэна. Пра гэта гаворыцца ў дакладзе офіса дырэктара Нацыянальнай разведкі ЗША.
Расійскае кіраўніцтва праводзіла аперацыі, накіраваныя на падрыў грамадскага даверу да выбарчага працэсу, аказанне падтрымкі Дональду Трампу і абвастрэнне сацыяльна-палітычных рознагалоссяў у ЗША. Як мяркуюць аўтары даклада, гэтыя дзеянні санкцыянаваў прэзідэнт Расіі Уладзімір Пуцін.
Пры гэтым у дакладзе падкрэсліваецца, што разведка не зафіксавала кібератак з боку Расіі на інфраструктуру правядзення выбараў.