Правялі ператрус у Генадзя Касьяна — роднага брата палітзняволенай грамадзянкі Швейцарыі Наталлі Хершэ
Па словах мужчыны, 25 мая да яго прыходзілі з ператрусам начальнік крымінальнага вышуку і два аперупаўнаважаныя. Паведамілі, што Генадзь Касьян з’яўляецца падазраваным па артыкуле 341 Крымінальнага кодэкса — апаганьванне будынкаў і псаванне маёмасці, піша «Рэгіянальная газета».
Генадзь са сваімі дзецьмі Кацярынай і Даніілам і сястрой Наталляй напярэдадні яе затрымання, rh.by
Мужчыну падазраюць у тым, што ён размаляваў Дом быту на вуліцы Будаўнікоў у Маладзечне.
— У мяне нічога не знайшлі. Забралі смартфон. Еду да адваката, — паведаміў Генадзь сёння раніцай.
Маладзечанец Генадзь Касьян — родны брат палітзняволенай грамадзянкі Швейцарыі Наталлі Хершэ, якая атрымала два з паловай гады за балаклаву, знятую з амапаўца. Доўгі час Генадзь працаваў доктарам у Маладзечне, а цяпер — работнік фармацэўтычнай кампаніі.