У БПЦ новы прэс-сакратар — выкладчык дысцыпліны «Царква і правы чалавека»
Іерэй Ігар Васько стаў новым прэс-сакратаром Беларускай праваслаўнай царквы — старшынёй Сінадальнага інфармацыйнага аддзела.
Ігар Васько скончыў Беларускі дзяржаўны педагагічны ўніверсітэт (выкладчык гісторыі і сацыяльна-палітычных навук), а таксама Мінскую духоўную семінарыю. Выкладае дысцыпліны «Гісторыя палітычных і прававых вучэнняў» і «Царква і правы чалавека».
Яго папярэднік іераманах Афанасій (Сакалоў) перайшоў на пасаду рэктара Мінскай духоўнай акадэміі. Ён быў прэс-сакратаром на працягу паўгода пасля адстаўкі протаіерэя Сергія Лепіна.