U BPC novy pres-sakratar — vykładčyk dyscypliny «Carkva i pravy čałavieka»
Ijerej Ihar Vaśko staŭ novym pres-sakratarom Biełaruskaj pravasłaŭnaj carkvy — staršynioj Sinadalnaha infarmacyjnaha adździeła.
Ihar Vaśko skončyŭ Biełaruski dziaržaŭny piedahahičny ŭniviersitet (vykładčyk historyi i sacyjalna-palityčnych navuk), a taksama Minskuju duchoŭnuju sieminaryju. Vykładaje dyscypliny «Historyja palityčnych i pravavych vučeńniaŭ» i «Carkva i pravy čałavieka».
Jaho papiarednik ijeramanach Afanasij (Sakałoŭ) pierajšoŭ na pasadu rektara Minskaj duchoŭnaj akademii. Jon byŭ pres-sakratarom na praciahu paŭhoda paśla adstaŭki protaijereja Sierhija Lepina.