Амікрон. Запомніце гэтае слова, вы яго будзеце чуць часта
Сусветная арганізацыя аховы здароўя (СААЗ) прысвоіла новаму штаму каранавіруса, які быў выяўлены ў Паўднёвай Афрыцы, грэчаскую літару амікрон, паведамляе Reuters.
У СААЗ прыйшлі да высновы, што штам B.1.1.529 пасля цэлай серыі мутацый можа быць больш небяспечным і вакцыны могуць дзейнічаць на яго не так эфектыўна.
Гэты варыянт віруса распаўсюджваецца хутчэй, чым яго папярэднікі, і можа закрануць большую колькасць людзей, у тым ліку і тых, хто раней перахварэў на іншыя штамы, як мяркуюць у СААЗ. У арганізацыі заклікалі ўсе краіны надаць большую ўвагу вывучэнню новага штама.
За апошнія тыдні новы штам віруса быў выяўлены ў Батсване, Бельгіі, Ізраілі і Ганконгу.