Amikron. Zapomnicie hetaje słova, vy jaho budziecie čuć časta
Suśvietnaja arhanizacyja achovy zdaroŭja (SAAZ) prysvoiła novamu štamu karanavirusa, jaki byŭ vyjaŭleny ŭ Paŭdniovaj Afrycy, hrečaskuju litaru amikron, paviedamlaje Reuters.
U SAAZ pryjšli da vysnovy, što štam B.1.1.529 paśla cełaj sieryi mutacyj moža być bolš niebiaśpiečnym i vakcyny mohuć dziejničać na jaho nie tak efiektyŭna.
Hety varyjant virusa raspaŭsiudžvajecca chutčej, čym jaho papiaredniki, i moža zakranuć bolšuju kolkaść ludziej, u tym liku i tych, chto raniej pierachvareŭ na inšyja štamy, jak miarkujuć u SAAZ. U arhanizacyi zaklikali ŭsie krainy nadać bolšuju ŭvahu vyvučeńniu novaha štama.
Za apošnija tydni novy štam virusa byŭ vyjaŭleny ŭ Batsvanie, Bielhii, Izraili i Hankonhu.