Бюджэт дзяржавы папоўніўся на паўкілаграма золата
5 жніўня супрацоўнікі па барацьбе з карупцыяй і эканамічнымі злачынствамі Баранавіцкага ГАУСа ў мясцовай беспрацоўнай жыхаркі канфіскавалі 147 ювелірных вырабаў без прабірных клеймаў РБ вагой амаль 500 грамаў на агульную суму 60 мільёнаў рублёў.
Паводле аператыўнай інфармацыі залатыя вырабы падазраваная набывала ў Польшчы і Турцыі па 18‑20 даляраў ЗША за 1 грам, а рэалізоўвала па месцы жыхарства амаль ўдвая даражэй. Акрамя залатых вырабаў у яе таксама канфіскавалі грошы.
Следствам заведзеная крымінальная справа за парушэнне правілаў аб здзелках з каштоўнымі металамі (арт. 223 КК), праводзіцца расследаванне.
Паводле прэс‑службы МУС, летась аператыўнікамі ў прыбытак дзяржавы канфіскавана 9 кг золата, больш за 10 кг срэбра, заведзена 163 крымінальныя справы.