Biudžet dziaržavy papoŭniŭsia na paŭkiłahrama zołata
5 žniŭnia supracoŭniki pa baraćbie z karupcyjaj i ekanamičnymi złačynstvami Baranavickaha HAUSa ŭ miascovaj biespracoŭnaj žycharki kanfiskavali 147 juvielirnych vyrabaŭ biez prabirnych klejmaŭ RB vahoj amal 500 hramaŭ na ahulnuju sumu 60 miljonaŭ rubloŭ.
Pavodle apieratyŭnaj infarmacyi załatyja vyraby padazravanaja nabyvała ŭ Polščy i Turcyi pa 18‑20 dalaraŭ ZŠA za 1 hram, a realizoŭvała pa miescy žycharstva amal ŭdvaja daražej. Akramia załatych vyrabaŭ u jaje taksama kanfiskavali hrošy.
Śledstvam zaviedzienaja kryminalnaja sprava za parušeńnie praviłaŭ ab ździełkach z kaštoŭnymi mietałami (art. 223 KK), pravodzicca rasśledavańnie.
Pavodle pres‑słužby MUS, letaś apieratyŭnikami ŭ prybytak dziaržavy kanfiskavana 9 kh zołata, bolš za 10 kh srebra, zaviedziena 163 kryminalnyja spravy.