У Вілейцы мужчыну арыштавалі на 10 сутак за БЧБ-сцяг на аватарцы ў Вайберы
Жыхара Вілейкі ў канцы студзеня затрымалі за тое, што ён у Вайберы размяшчаў інфармацыю са свайго акаўнта, на аватарцы якога было фота з бела-чырвона-белым сцягам у руках, паведамляюць праваабаронцы.
Міліцыянты мясцовага РАУСа расцанілі гэта як «несанкцыянаванае пікетаванне» і склалі на яго пратакол па арт. 24.23 КаАП.
На судзе вілейчук пацвердзіў, што гэта быў публічны пратэст супраць дзейнай улады і цалкам прызнаў віну.
Суд Вілейскага раёна даў яму 10 сутак.