U Vilejcy mužčynu aryštavali na 10 sutak za BČB-ściah na avatarcy ŭ Vajbiery
Žychara Vilejki ŭ kancy studzienia zatrymali za toje, što jon u Vajbiery raźmiaščaŭ infarmacyju sa svajho akaŭnta, na avatarcy jakoha było fota ź bieła-čyrvona-biełym ściaham u rukach, paviedamlajuć pravaabaroncy.
Milicyjanty miascovaha RAUSa rascanili heta jak «niesankcyjanavanaje pikietavańnie» i skłali na jaho pratakoł pa art. 24.23 KaAP.
Na sudzie vilejčuk paćvierdziŭ, što heta byŭ publičny pratest suprać dziejnaj ułady i całkam pryznaŭ vinu.
Sud Vilejskaha rajona daŭ jamu 10 sutak.