Еўрасаюз пашырыў санкцыйны спіс беларускіх вайсковых чыноўнікаў яшчэ двума дзясяткамі прозвішчаў
Амбасадары краін Еўрасаюза 28 лютага вырашылі накласці візавыя санкцыі на 22 беларускіх высокапастаўленых вайскоўцаў і чыноўнікаў Міністэрства абароны. «Радыё Свабода» атрымала гэты санкцыйны спіс ужо цяпер, хоць афіцыйная публікацыя яго запланаваная на 1 сакавіка.
У дадатковым чорным спісе Еўрасаюза апынуліся, сярод іншых:
- Леанід Касінскі, начальнік Галоўнага ўпраўлення ідэалагічнай работы Міністэрства абароны Беларусі;
- Ігар Мажылоўскі, начальнік Галоўнага фінансава-эканамічнага ўпраўлення Міністэрства абароны Беларусі;
- Алег Воінаў, начальнік Упраўлення міжнароднага вайсковага супрацоўніцтва Міністэрства абароны Беларусі;
- Сяргей Саута, начальнік Дэпартамента прававога забеспячэння Міністэрства абароны Беларусі;
- Іван Багуслаўскі, начальнік Галоўнай вайсковай інспекцыі Узброеных Сілаў пры Міністэрстве абароны Беларусі;
- Дзмітрый Міхалап, намеснік камандуючага Вайскова-паветранымі сіламі і войскамі супрацьпаветранай абароны Беларусі;
- Анатоль Булаўка, намеснік камандуючага па ідэалагічнай рабоце і начальнік ідэалагічнай работы ВПС і войскаў СПА Беларусі;
- Віктар Сойка, намеснік камандуючага па ўзбраенні, начальнік Упраўлення ўзбраення ВПС і войскаў супрацьпаветранай абароны Беларусі;
- Юры Пейгановіч, намеснік камандуючага ВПС і войскамі супрацьпаветранай абароны Беларусі па тылавым забеспячэнні;
- Аляксандр Бас, намеснік камандуючага Заходнім аператыўным камандаваннем Беларусі;
- Дзмітрый Бякрэн, намеснік камандуючага войскамі па ідэалогіі, начальнік аддзела ідэалогіі Заходняга аператыўнага камандавання.
Чакаецца таксама, што 1 сакавіка амбасадары краін ЕС прымуць рашэнне адносна дадатковых эканамічных санкцый супраць Беларусі ў сувязі з яе ўдзелам у вайне Расіі супраць Украіны.