«Паўплывай на гэта, ты ж можаш». Сям'я з Дняпра звярнулася да свайго сваяка — памочніка міністра абароны Беларусі
Жыхар украінскага горада Дняпро Глеб Воінаў запісаў эмацыйны відэазварот да свайго роднага брата Алега, які займае пасаду начальніка Дэпартамента міжнароднага вайсковага супрацоўніцтва Мінабароны Беларусі, піша партал Informator.ua.
Да свайго брата Глеб Воінаў вырашыў звярнуцца ў сувязі з расійскім уварваннем ва Украіну:
«Ты, Алег, нарадзіўся і вырас у Дняпры. Зараз ты служыш у Беларусі, займаеш пасаду памочніка міністра абароны Рэспублікі Беларусь па пытаннях вайсковага супрацоўніцтва. Цяпер у нас у краіне ідзе вайна і я б хацеў, каб ты па меры сваіх сілаў і магчымасцяў прыклаў як мага больш намаганняў, каб спыніць гэта кровапраліцце. Гэта поўнае вар'яцтва».
У запісе відэазвароту прыняла ўдзел і жонка Глеба:
«Тут жыве твая мама, напэўна, самы родны і дарагі для цябе чалавек, — сказала жанчына. — Мы нічога не ведалі аб тым, што будзе вайна. Пра тое, што вы хочаце прыняць у ёй удзел. Як ты будзеш глядзець у вочы нам? Мы табой ганарыліся, мы не хочам, каб нам было сорамна, што нашы сваякі жывуць у Беларусі. У цябе таксама ёсць дзеці, сын, дачка. Як вы можаце гэта дапусціць?! Вы можаце на гэта паўплываць. Тут цячэ кроў нашых дзяцей, іх забіваюць, а вы робіце выгляд, што гэтага не ведаеце? Тут страшна, мы ў пекле».
Алег Воінаў займае пасаду начальніка Дэпартамента міжнароднага вайсковага супрацоўніцтва Міністэрства абароны Беларусі — памочніка міністра па пытаннях міжнароднага вайсковага супрацоўніцтва. Ён нарадзіўся ў 1967 годзе ў Днепрапятроўску Украінскай СССР. У 1984 годзе паступіў у Новасібірскае вышэйшае ваенна-палітычнае агульнавайсковае вучылішча. Службу праходзіў у Беларускай вайсковай акрузе. У 2015 годзе яму прысвоілі званне генерал-маёра.
Мінскія ўлады расказалі, як будуць змагацца з «акіянам аўтамабіляў» у дварах2
Каментары