Затрымалі супрацоўніцу «Альфа-Хаба». Яна вырабляла сумкі і перайшла на беларускую з пачаткам вайны
На 25-гадовую дзяўчыну завялі крыміналку.
Алеся Курэйчык. Фота: сацсеткі
Алеся Курэйчык скончыла БДУКМ у 2019 годзе. Працавала адміністратаркай «Альфа-Хаба», каворкінга для бізнэс-кліентаў Альфа-Банка. У вольны час Алеся вырабляла сумкі і прадавала іх праз Інстаграм.
У сацыяльных сетках у дзяўчыны ёсць некалькі антываенных пастоў. А з пачаткам вайны яна перавяла ўсе сацсеткі на беларускую мову.
Фота: Інстаграм дзяўчыны
Па інфармацыі ў канале сілавікоў, у віну дзяўчыне ставяць выхад на праезную частку падчас акцыі ў жніўні 2020 года. На яе заведзеная крымінальная справа па артыкуле 342 КК.