ГУБАЗіК пахваліўся тым, што затрымаў чарговую маладую айцішніцу. На відэа яна ледзь што не плача
Паводле звестак канала «Спісы затрыманых», яе затрымалі ці 11, ці 12 мая.
Фота: сацсеткі дзяўчыны
ГУБАЗіК выклаў відэа, на якім 23-гадовая айцішніца Дар'я Ляўко спавядаецца ў тым, што мела заробак у 3300 даляраў і брала ўдзел у пратэстах у 2020 годзе.
Звяртае ўвагу, што палітычная паліцыя акцэнтуе ўвагу на высокім — па беларускім мерках — заробку. Яны нярэдка падкрэсліваюць гэта, каб паказаць, як добра жылі арыштаваныя і, значыць, як беспадстаўна яны пратэставалі.
Вядома, што яна вучылася ў Мінскім каледжы прадпрымальніцтва, а таксама была мадэллю-аматаркай.
Сілавікі пішуць, што ёй выстаўленае абвінавачанне па артыкуле 342 КК РБ. Яно прадугледжвае да пяці гадоў пазбаўлення волі.
Цяпер чытаюць
Ноччу беларусы стаялі ў чэргах, каб набыць у А1 тэхніку з вялікай зніжкай. Цяпер ёй завалены «Куфар»15
Каментары