Старшакласнікам павялічаць колькасць гадзін беларускай і рускай моў і паменшаць замежнай
Міністэрства адукацыі ўжо зацвердзіла новыя навучальныя планы, паведаміў міністр адукацыі Андрэй Іванец ў эфіры тэлеканала АНТ.
У прыватнасці, у 10—11-х класах дадасца колькасць гадзін беларускай і рускай моў. «Адной гадзіны ў тыдзень недастаткова. З наступнага года дадасца яшчэ колькасць гадзін рускай і беларускай літаратуры, бо авалодаць мовай без чытання літаратуры складана і практычна немагчыма», — лічыць міністр.
Адначасова паменшыцца колькасць гадзін на вывучэнне замежнай мовы. «Калі мы павялічваем у навучальным плане нейкія заняткі, то дзесьці мы павінны забраць іх. Сёння мы бачым, што замежная мова знаходзіцца ў пірамідзе значна вышэй за іншыя прадметы. Таму колькасць гадзін англійскай мовы трохі паменшыцца», — расказаў Андрэй Іванец.
Ён адзначыў, што англійскай мовы ў 10—11-х класаў усё роўна будзе больш на базавым узроўні, чым рускай і беларускай: «Я ўпэўнены, любую замежную мову чалавек, няхай гэта будзе школьнік, студэнт, дарослы, вывучыць цягам свайго жыцця, калі яму гэта будзе неабходна. А калі ў школе не навучым рускай і беларускай мове, то гэтаму ніхто не навучыць».