Беларускія школьнікі будуць здаваць мабільнікі, насіць форму і слухаць гімн
Міністр адукацыі Іванец у інтэрв’ю «СБ» заявіў, што школьнікі павінны будуць пакідаць тэлефоны ў спецыяльна абсталяваных месцах. Прылады можна будзе выкарыстоўваць толькі для вучобы.
Таксама Іванец анансаваў адкрыццё ў кожнай школе і гімназіі музеяў або музейных пакояў. «Мы не можам забыць нашу гісторыю і не дазволім яе інтэрпрэтаваць іншым», — сказаў міністр.
З 2023 года магчымае ўвядзенне абавязковай школьнай формы, а з наступнага навучальнага года — адзіных элементаў школьнага адзення.
Мінадукацыі таксама падрыхтавала загад, які прадугледжвае правядзенне ўрачыстых лінеек з праслухоўваннем гінма і пад’ёмам дзяржаўнага сцяга. Прадугледжваецца, што такія лінейкі будуць праводзіць на дзяржаўныя святы, а таксама ў пачатку і канцы кожнай чвэрці ці змены ў лагерах.
Загад будзе распаўсюджвацца на ўсе ўстановы адукацыі (нават дашкольныя), лагеры і студатрады.
37-гадовы Іванец заняў пасаду міністра адукацыі з лютага гэтага года. Пасля прызначэння ён заявіў, што лічыць галоўнымі пытаннямі для сябе на новай пасадзе пытанні патрыятызму і гістарычнай памяці.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч25
Каментары