У паветранай прасторы Канады быў збіты неапазнаны лятальны апарат
Увечары 11 лютага Аб'яднанае камандаванне аэракасмічнай абароны Паўночнай Амерыкі збіла неапазнаны лятальны апарат у паветранай прасторы Канады, паведаміў канадскі прэм'ер-міністр Джасцін Трудо, піша Бі-бі-сі.
Кітайскі аэрастат, збіты амерыканцамі 4 лютага
Міністарка абароны Канады Аніта Ананд паведаміла, што аб'ект ляцеў на вышыні каля 12 кіламетраў і быў збіты на паўночным захадзе краіны прыкладна ў 160 кіламетрах ад мяжы ЗША і Канады.
Перад тым, як прыняць рашэнне адносна аб'екта, Джасцін Трудо паразмаўляў з прэзідэнтам ЗША Джо Байдэнам, і той загадаў збіць аб'ект амерыканскаму самалёту.
Узброеныя сілы Канады і Каралеўская конная паліцыя пачалі аперацыю па зборы абломкаў апарата для іх вывучэння.
Гэта ўжо трэці аб'ект, збіты амерыканскімі вайскоўцамі за апошні тыдзень: 4 лютага ЗША збілі кітайскі аэрастат-выведнік, а 10 лютага над Аляскай быў збіты яшчэ адзін неапазнаны лятальны апарат.