У Грузіі прайшла прарасійская акцыя пратэсту супраць збліжэння з ЕС
Ля будынка грузінскага парламента ў Тбілісі прайшоў мітынг «Кансерватыўнага руху» Грузіі. У акцыі прынялі ўдзел каля тысячы чалавек, паведамляе BBC. Яе ўдзельнікі сарвалі і спалілі вялікі сцяг ЕС, які звычайна вісіць на флагштоку ля фасада парламента. Паліцыя не ўмешвалася ў падзеі.
Фота: BBC
На мінулым тыдні ў Тбіліся адбыліся шматтысячныя дэманстрацыі, удзельнікі якіх патрабавалі не прымаць законы аб дзейнасці «замежных агентаў», які нагадваў расійскі закон.
Пасля сутыкненняў, якія доўжыліся два дні, дэпутаты прагаласавалі супраць законапраекта. Тым не менш кіруючая партыя «Грузінская мара» заявіла, што будзе тлумачыць грамадзянам яго сутнасць, назіральнікі не выключаюць, што закон можа быць вынесены на абмеркаванне зноў.
Усе затрыманыя ў выніку беспарадкаў былі адпушчаныя, аднак грузінскія СМІ паведамляюць, што многім удзельнікам пратэстаў 7-9 сакавіка прыйшлі выклікі ў паліцыю.
Чытайце таксама:
«Змагарыдзэ — усё!» Лукашэнкаўскія прапагандысты ў грузінскіх падзеях выбралі свой бок