У двух раёнах Гродзенскай вобласці правядуць вучэнні тэрытарыяльнай абароны
З 18 па 21 красавіка ў Навагрудскім і Карэліцкім раёнах Гродзенскай вобласці пад кіраўніцтвам намесніка старшыні абласнога выканаўчага камітэта праводзіцца камандна-штабное вучэнне з сіламі тэрытарыяльнай абароны, паведамляе Мінабароны ў сваім тэлеграм-канале.
Байцы народнага апалчэння ў Барысаўскім раёне і сакратар Рады бяспекі Аляксандр Вальфовіч. Фота: агенцтва «Ваяр»
У ходзе вучэння тэрытарыяльнымі войскамі ва ўзаемадзеянні з органамі ўнутраных спраў і падраздзяленнямі па надзвычайных сітуацыях будуць адпрацаваныя пытанні аховы аб'ектаў жыццезабеспячэння насельніцтва і падтрымання ваеннага становішча, барацьбы з дыверсійна-разведвальнымі групамі і незаконнымі ўзброенымі фармаваннямі.
У вучэнні таксама прыме ўдзел сфарміраваны ў Кашалеўскім сельскім савеце Навагрудскага раёна атрад народнага апалчэння.
Раней такія вучэнні прайшлі ў Барысаўскім раёне, дзе быў сфармаваны атрад народнага апалчэння.
Чытайце таксама:
У Беларусі ўпершыню паказалі народнае апалчэнне
Тэрабарона паказала, як адбівала атаку на КПП ФОТЫ
НАТА, што з тварам? Байцы беларускай тэрытарыяльнай абароны вяртаюцца дахаты ВІДЭА