U dvuch rajonach Hrodzienskaj vobłaści praviaduć vučeńni terytaryjalnaj abarony
Z 18 pa 21 krasavika ŭ Navahrudskim i Karelickim rajonach Hrodzienskaj vobłaści pad kiraŭnictvam namieśnika staršyni abłasnoha vykanaŭčaha kamiteta pravodzicca kamandna-štabnoje vučeńnie ź siłami terytaryjalnaj abarony, paviedamlaje Minabarony ŭ svaim telehram-kanale.
Bajcy narodnaha apałčeńnia ŭ Barysaŭskim rajonie i sakratar Rady biaśpieki Alaksandr Valfovič. Fota: ahienctva «Vajar»
U chodzie vučeńnia terytaryjalnymi vojskami va ŭzajemadziejańni z orhanami ŭnutranych spraŭ i padraździaleńniami pa nadzvyčajnych situacyjach buduć adpracavanyja pytańni achovy abjektaŭ žyćciezabieśpiačeńnia nasielnictva i padtrymańnia vajennaha stanovišča, baraćby z dyviersijna-raźviedvalnymi hrupami i niezakonnymi ŭzbrojenymi farmavańniami.
U vučeńni taksama prymie ŭdzieł sfarmiravany ŭ Kašaleŭskim sielskim saviecie Navahrudskaha rajona atrad narodnaha apałčeńnia.
Raniej takija vučeńni prajšli ŭ Barysaŭskim rajonie, dzie byŭ sfarmavany atrad narodnaha apałčeńnia.
Čytajcie taksama:
U Biełarusi ŭpieršyniu pakazali narodnaje apałčeńnie
Terabarona pakazała, jak adbivała ataku na KPP FOTY
NATA, što z tvaram? Bajcy biełaruskaj terytaryjalnaj abarony viartajucca dachaty VIDEA