У Германіі затрымалі беларуса за перавозку мігрантаў
Нямецкая паліцыя 20 мая затрымала грамадзяніна Беларусі. 26-гадовага беларуса спынілі каля горада Гёрліц у Саксоніі, калі ён перавозіў у машыне з польскімі нумарамі пяцярых незаконных мігрантаў, паведамляе Reform.by.
Фота: bundespolizei.de
У мігрантаў не было дакументаў, а самі яны заявілі, што прыехалі з Сірыі. Беларус павінен быў адвезці іх у Дрэздэн.
Сірыйцаў даставілі ў пункт прыёму мігрантаў, беларус вярнуўся ў Польшчу з забаронай уезду ў Германію цягам чатырох гадоў.
Чытайце таксама:
З-за нелегалаў з Беларусі збіраюцца ўвесці памежны кантроль на мяжы Германіі з Польшчай
У Польшчы будуць судзіць беларуса за перавозку мігрантаў
У Польшчы арыштавалі беларуса, якога падазраюць у арганізацыі міграцыі