У Чавусах гарэў цэх «Бабулінай крынкі», загінуў галоўны інжынер
Днём 21 чэрвеня у будынку цэха па перапрацоўцы і захоўванні сухога малака на тэрыторыі Чавускага філіяла «Бабулінай крынкі» адбыўся пажар, пра гэта паведаміла прэс-служба МНС.
На момант прыезду ратавальнікаў увесь будынак быў ахоплены дымам, полымя пашкодзіла дах і абсталяванне.
З памяшкання цэха ратавальнікі вынеслі ў непрытомным стане работніка прадпрыемства 1961 года нараджэння — галоўнага інжынера прадпрыемства. Брыгада хуткай медыцынскай дапамогі канстатавала ягоную смерць
Папярэдне вызначана, што ў цэху прадпрыемства сіламі іншай арганізацыі рабіўся дэмантаж труб. Праз пажар у цэху, дзе знаходзіцца каля 450 тон сухой малочнай сумесі, часткова абрынуўся дах.
Чытайце таксама:
У ДТЗ пад Пінскам насмерць разбіўся жыхар Германіі
У Лідскім раёне загарэўся дом, пакуль гаспадары былі на працы. Як так сталася?