У Лідскім раёне загарэўся дом, пакуль гаспадары былі на працы. Як так сталася?
Надзвычайнае здарэнне адбылося ў аграгарадку Гуды. Ратавальнікам патэлефанавала жанчына і расказала, што з вокнаў суседскага дома ідзе дым. Пажарныя прыбылі на месца праз 5 хвілін.
Да гэтага моманту ўнутры пабудовы назіралася моцнае задымленне.
Гаспадары — муж і жонка — на момант здарэння былі на працы. Агонь удалося ліквідаваць за пару хвілін.
Але, нягледзячы на аператыўнасць, полымя знішчыла маёмасць у кухні. Таксама пазакурваліся сцены, столь і іншая маёмасць у доме.
Паводле папярэдняй версіі, да пажару магло прывесці кароткае замыканне электраправодкі выцяжкі.
Каментары