У Сумскай вобласці эвакуююць жыхароў пяцікіламетровай памежнай зоны
Адпаведнае рашэнне прыняла Рада абароны вобласці пасля грунтоўнага аналізу аператыўнай абстаноўкі ў памежнай вобласці.
«Пастаянныя артылерыйскія абстрэлы прыгранічных грамад, інтэнсіўнасць якіх апошнім часам істотна павялічылася, руйнуюць інфраструктуру, аб'екты забеспячэння жыццядзейнасці, прыватныя дамы. А галоўнае — гінуць нашы людзі. Калі ўсяго са студзеня па ліпень 2023 года ад варожых абстрэлаў загінула 35 цывільных асоб, то за апошні месяц 17 чалавек, з якіх адно дзіця, былі забітыя расійскімі войскамі», — напісаў кіраўнік абласной адміністрацыі Уладзімір Арцюх.
Па яго словах, людзі тут не жывуць, а выжываюць пад пастаяннымі абстрэламі.