U Sumskaj vobłaści evakujujuć žycharoŭ piacikiłamietrovaj pamiežnaj zony
Adpaviednaje rašeńnie pryniała Rada abarony vobłaści paśla hruntoŭnaha analizu apieratyŭnaj abstanoŭki ŭ pamiežnaj vobłaści.
«Pastajannyja artyleryjskija abstreły pryhraničnych hramad, intensiŭnaść jakich apošnim časam istotna pavialičyłasia, rujnujuć infrastrukturu, abjekty zabieśpiačeńnia žyćciadziejnaści, pryvatnyja damy. A hałoŭnaje — hinuć našy ludzi. Kali ŭsiaho sa studzienia pa lipień 2023 hoda ad varožych abstrełaŭ zahinuła 35 cyvilnych asob, to za apošni miesiac 17 čałaviek, ź jakich adno dzicia, byli zabityja rasijskimi vojskami», — napisaŭ kiraŭnik abłasnoj administracyi Uładzimir Arciuch.
Pa jaho słovach, ludzi tut nie žyvuć, a vyžyvajuć pad pastajannymi abstrełami.