УСУ на поўдні дзе-нідзе прарвалі першую лінію абароны і выйшлі на прамежкавую — Ганна Маляр
Намесніца міністра абароны Украіны Ганна Маляр у эфіры нацыянальнага тэлемарафону паведаміла, што ўкраінскія вайскоўцы на поўдні краіны ўжо дзе-нідзе прарвалі першую лінію абароны расіян і перайшлі на прамежкавую, піша «Украінская праўда».
Здымак ілюстрацыйны. Фота: AP
«Калі казаць пра поўдзень, як на бахмуцкім напрамку, то нашы сілы працягваюць наступаць, прабіраючыся скрозь сур'ёзны супраціў ворага, — гэта бесперапынны артылерыйскі агонь, мініраванне.
Але нашы войскі на поўдні дзе-нідзе ўжо прарвалі першую лінію абароны і перайшлі на прамежкавую. І там яны цяпер сутыкаюцца з тым, што вораг на асноўных, ключавых занятых імі вышынях фактычна пабудаваў інжынерныя ўмацаванні.
Гэта, безумоўна, ускладняе перамяшчэнне нашых войскаў і самі баявыя дзеянні. І на поўдні, і на ўсходзе вораг падцягвае свае рэзервы.
І расіяне цяпер у асноўным падцягваюць прафесійныя падраздзяленні. Мы фіксуем дэсантна-штурмавыя падраздзяленні, якія кінулі ў бой і там, і там», — паведаміла вайсковая чыноўніца.
Чытайце таксама:
Украінцы ўпершыню нанеслі ўдар па расійскай базе ў Новарасійску — падбіты карабель