У Гомелі пачалі судзіць былога кіраўніка аднаго з гарадскіх раёнаў
У Гомелі пачаўся суд над экс-кіраўніком адміністрацыі Чыгуначнага раёна горада Аляксандрам Сіваковым. Былога раённага кіраўніка абвінавачваюць паводле арт. 426 ч. 3 КК Беларусі «Перавышэнне ўлады або службовых паўнамоцтваў», як піша «Флагшток».
У лютым гэтага года кіраўніка адміністрацыі затрымалі проста на працоўным месцы. Разам з Сіваковым была арыштавана таксама ягоная намесніца па эканамічных пытаннях Наталля Жук.
Афіцыйных каментароў адносна прычын затрымання чыноўнікаў дагэтуль не было.
Па артыкуле, які інкрымінуецца Сівакову, прадугледжана пакаранне ад 3-х да 10-ці гадоў зняволення з пазбаўленнем права займаць кіроўныя пасады.
Чытайце таксама:
На Гродзеншчыне судзяць за хабар старшыню сельсавета. Падвялі пад манастыр дрэвы на могілках
За хабар затрымалі галоўнага тэхнолага аднаго з гродзенскіх прадпрыемстваў