7 загінулых, 136 пацярпелых. У Чарнігаве завяршылі пошукава-выратавальную аперацыю
Пошукава-выратавальная аперацыя на месцы расійскага ўдару ў Чарнігаве завершаная, колькасць пацярпелых узрасла да 136 чалавек, 7 чалавек загінулі, заявіў міністр унутраных спраў Украіны Ігар Кліменка.
Фота: Getty Image
«Пошукава-выратавальная аперацыя завершаная: 136 пацярпелых у выніку расійскага ўдару па цэнтральнай частцы горада», — паведаміў міністр.
7 чалавек, паводле яго, былі забітыя, а 129 — параненыя, з іх 15 дзяцей і 15 супрацоўнікаў паліцыі.
Расійскія войскі каля 11:30 раніцы 19 жніўня ўдарылі па цэнтры Чарнігава балістычнай ракетай. Як высветлілася, удар быў нанесены па драмтэатры ў цэнтры Чарнігава, калі там праводзіўся злёт вытворцаў дронаў, хоць дакладнае месца правядзення ведалі толькі ўдзельнікі мерапрыемства.
Пазней прапагандысцкі рэсурс РИА «Новости» заявіў, што цэллю для ўдару ў Чарнігаве быў «збор вайсковых спецыялістаў УСУ па баявых дронах».
Чытайце таксама:
Беспілотнік ударыў па вайсковым аэрадроме ў Наўгародскай вобласці Расіі
У Беларусі можа з'явіцца аналаг расійскага вайскова-патрыятычнага цэнтра «Авангард»