Расія ўдарыла па драмтэатры Чарнігава, калі там праходзіла выстава вытворцаў дронаў
Ёсць загінулыя і параненыя.
У будынку драмтэатра праходзіла выстава вытворцаў дронаў.
У выніку ракетнага ўдару загінула 6 чалавек. У тым ліку шасцігадовая дзяўчынка, якую спрабавалі выратаваць работнікі ратавальнай службы. Яе мама знаходзіцца ў бальніцы ў цяжкім стане.
Траўмы атрымалі 42 чалавекі, сярод якіх 11 дзяцей, паведаміў кіраўнік МУС Украіны Ігар Кліменка.
Паведамляецца, што праціўнік мог нанесці ўдар па абласным цэнтры з аператыўна-тактычнага ракетнага комплексу «Іскандэр». Паветраная трывога ў Чарнігаўскай вобласці 19 жніўня была абвешчаная ў 11:20. Адбой трывогі быў у 12:24.
Уладзімір Зяленскі аператыўна пракаментаваў удар па Чарнігаве.
«Вось што такое суседства з тэрарыстычнай дзяржавай, вось супраць чаго мы аб'ядноўваем увесь свет. Расійская ракета трапіла проста ў цэнтр горада, у наш Чарнігаў.
Плошча, Палітэхніка, Тэатр. Звычайны суботні дзень, які Расія ператварыла ў дзень болю і страт. Ёсць загінулыя, ёсць параненыя.
Мае спачуванні тым, хто страціў родных … усе службы працуюць на месцы: ратавальнікі, паліцыя, медыкі. Кожны, хто патрэбны.
Зробім яшчэ больш для кансалідацыі свету супраць расійскага тэрору. Дамо яшчэ больш нашай дзяржаве для абароны жыцця. Расія павінна прайграць у гэтай вайне, каб жыццё атрымала перамогу», — напісаў у сваім тэлеграме Уладзімір Зяленскі, які сёння знаходзіцца з візітам у Швецыі.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень5
Каментары