Папа Францішак прыняў апостальскага нунцыя Антэ Ёзіча
Пра змест размовы пантыфіка з ягоным прадстаўніком у Беларусі не паведамляецца.
Папа Францішак і Антэ Ёзіч. Архіўнае фота: «Ватыканскія навіны»
Папа Францішак сустрэўся з апостальскім нунцыем у Беларусі архібіскупам Антэ Ёзічам, паведамляюць «Ватыканскія навіны».
Пра змест размовы падчас аўдыенцыі, якая прайшла 8 верасня раніцай у ватыканскім Апостальскім палацы, не паведамляецца.
Антэ Ёзіч — прадстаўнік Папы Францішка ў Беларусі з 21 мая 2020 года. Ён стаў другім харвацкім іерархам на пасадзе апостальскага нунцыя ў Беларусі. З 15 верасня 2004 года па 15 ліпеня 2011 года дыпламатычнае прадстаўніцтва Святога Пасада ў нашай краіне ўзначальваў архібіскуп Марцін Відавіч, які, як і цяперашні нунцый, належыць да духавенства Спліцка-Макарскай архідыяцэзіі.
Чытайце таксама:
Папа Францішак прызнаў недарэчнасць згадкі пра расійскіх імператараў у сваёй прамове
Нунцый Антэ Ёзіч правёў інаўгурацыю Апостальскай адміністратуры для грэка-католікаў у Беларусі
Арцыбіскуп Гуджэроці — да вернікаў у Будславе: Я ўжо немалады, я прывітаю вас у Раі па-беларуску