Свет1111

Папа Францішак прызнаў недарэчнасць згадкі пра расійскіх імператараў у сваёй прамове

Папа Францішак патлумачыў, што меў на ўвазе, калі казаў пра «вялікую Расію» перад расійскай моладдзю 25 жніўня. Пра Пятра I і Кацярыну II ён, маўляў, успомніў са школьнага курса гісторыі, і, мабыць, гэта згадка «не была ўдалай». Пра гэта Папа сказаў падчас размовы з журналістамі на борце самалёта, калі вяртаўся з Манголіі, паведамляе Vatican News.

Папа Францішак у Манголіі. Фота: Vatican Media via Vatican Pool / Getty Images

Францішак растлумачыў, што заахвочваў тады рускую моладзь берагчы спадчыну сваёй радзімы, «таму што руская спадчына вельмі добрая і вельмі прыгожая». А каб растлумачыць, пра якую спадчыну ідзе гаворка, пантыфік і звярнуўся да ідэі «вялікай Расіі». Але, маўляў, «я не меў на ўвазе імперыялізм, калі гэта сказаў. Я казаў пра культуру».

«Да прыкладу, у галіне літаратуры, у галіне музыкі, аж да Дастаеўскага, які сёння гаворыць нам пра сталы гуманізм. Каб яны ўзялі на сябе гэты гуманізм, які развіўся ў мастацтве і літаратуры. Гэта другі аспект таго, што я казаў пра спадчыну…

Трэці, відаць, не быў удалы. Гаворачы пра вялікую Расію, магчыма, не столькі ў геаграфічным сэнсе, колькі ў культурным, мне ўспомнілася тое, чаму нас вучылі ў школе: Пётр I, Кацярына II. І тут выплыў гэты трэці элемент, мабыць, не зусім правільны. Не ведаю. Хай гісторыкі скажуць. Але гэта прыйшло мне да галавы, таму што я вывучаў так у школе».

У той жа час Францішак перакананы, што «руская культура мае прыгажосць, мае вялікую глыбіню, і не варта яе сціраць з-за палітычных праблем».

Нагадаем, што, выступаючы перад удзельнікамі Х Усерасійскага дня каталіцкай моладзі ў Санкт-Пецярбургу 25 жніўня, Папа Францішак сказаў сярод іншага наступнае: 

«Ніколі не забывайце пра спадчыну. Вы — нашчадкі вялікай Расіі: вялікай Расіі святых, кіраўнікоў, вялікай Расіі Пятра І, Кацярыны II, той імперыі — вялікай, адукаванай, вялікай культуры і вялікай чалавечнасці. Ніколі не адмаўляйцеся ад гэтай спадчыны. Вы — нашчадкі вялікай Матухны Расіі, крочце наперад з гэтым. І дзякуй вам, дзякуй за ваш спосаб быць, за ваш спосаб быць рускімі».

Гэтыя словы выклікалі вялікі розгалас і скандал, на іх сярод іншага афіцыйна адрэагавала МЗС Украіны.

Каментары11

  • Jacek
    05.09.2023
    Опять Пригожин выкручивается как уж.
  • Блр
    05.09.2023
    Да ў прынцыпе ўсё што заўгодна можна казаць калі няма адказнасці аніякай.
  • Beniedikt
    05.09.2023
    Voś pračytaŭ jahonyja blytanyja apraŭdańni i nu nijak nie mahu nazvać jaho razumnym.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад7

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад

Усе навіны →
Усе навіны

Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным36

Аляксандр і Коля Лукашэнкі прыбылі на Парад Перамогі на Красную плошчу ў Маскве6

Зянковіч: Безумоўна, я б не паехаў у Маскву пад гарантыі Вольгі Карач21

Затрымалі брата Ігара Лосіка5

Загадка вадалаза, якога знайшлі без галавы і рук: шпіёнская гісторыя часоў Халоднай вайны

«Яшчэ і крэдытны рэйтынг пацярпіць». Банкамат забраў грошы, але на рахунак яны не паступілі3

У фінале футбольнага еўракубка згуляюць каманды, якія займаюць 15-е і 16-я месцы ў сваім чэмпіянаце

«Стаўленне як да скаціны». Прарасійскі блогер расказаў пра 25 сутак ў ІЧУ12

Джэй Дзі Вэнс: Расія на перамовах па Украіне просіць больш за разумнае. Яна не атрымае тэрыторыі, якія нават не захапіла3

больш чытаных навін
больш лайканых навін

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад7

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад

Галоўнае
Усе навіны →

Заўвага:

 

 

 

 

Закрыць Паведаміць