Ізраіль абвясціў пра буйнамаштабны ўдар па аб'ектах у Газе

Ізраільскія знішчальнікі ўжо атакавалі шэраг аб'ектаў ХАМАС у Газе.

Палесцінцы гуляюць сярод абломкаў пасля ізраільскага авіяўдару, што зраўняў з зямлёй частку квартала. Фота: Fatima Shbair / AP 

Армія абароны Ізраіля (ЦАХАЛ) наносіць буйнамаштабны ўдар па аб'ектах палесцінскага руху ХАМАС у сектары Газа, гаворыцца ў заяве ізраільскай арміі ў сацсетцы X.

У яшчэ адным паведамленні ЦАХАЛ гаворыцца, што знішчаныя ў тым ліку ваенны комплекс і склад зброі. Акрамя таго, у Джабаліі (горад на поўначы анклава) быў нанесены ўдар па пункце кіравання, «які выкарыстоўваўся ХАМАС для ажыццяўлення тэрору супраць Ізраіля».

ЦАХАЛ наносіць удары па сектары Газа ўжо некалькі дзён. Гэта стала адказам на напад ХАМАС на краіну раніцай 7 кастрычніка.

Прэм'ер-міністр краіны Біньямін Нетаньяху заклікаў жыхароў сектара Газы пакінуць сваю тэрыторыю. 

Чытайце таксама:

Аятала Хаменеі: Іран цалуе рукі тым, хто напаў на Ізраіль

Падчас баёў у Ізраілі цяжка паранены генерал Арміі абароны — ураджэнец Беларусі

Прадстаўнік ЦАХАЛ прапанаваў жыхарам Газы бегчы ў Егіпет

Каментары да артыкула