Падчас баёў у Ізраілі цяжка паранены генерал Арміі абароны — ураджэнец Беларусі
Учора стала вядома пра раненне генерал-маёра Рамана Гофмана, камандзіра вайсковай базы «Цээлім». Раненне адбылося падчас бою з тэрарыстамі ў Здэроце. Стан здароўя генерала пасля некалькіх аперацый ацэньваецца як цяжкі, але стабільны, піша ізраільскі Дзявяты канал.
Раман Гофман нарадзіўся ў Мазыры ў 1976 годзе. У 1990 годзе рэпатрыяваўся з бацькамі ў Ізраіль. Вучыўся ў сярэдняй школе ў Ашдодзе, а потым у вайсковым інтэрнаце ў паселішчы Элі.
У 1995 годзе быў прызваны на службу ў бранятанкавыя войскі Арміі абароны Ізраіля. Служыў камандзірам узвода, а затым і камандзірам роты. У 2002 годзе браў удзел у аперацыі «Ахоўная сцяна». Затым быў прызначаны намеснікам камандзіра 71-га батальёна 188-й бранятанкавай брыгады. Потым займаў аналагічную пасаду ў 460-й бранятанкавай брыгадзе. Пазней служыў у штабе бранятанкавай дывізіі «Гааш».
У 2011-2013 гадах камандаваў 75-м батальёнам у 7-й бранятанкавай брыгадзе.
Раман Гофман у 2019 годзе стаў першым прадстаўніком Вялікай аліі, які дасягнуў звання генерал-маёра і атрымаў дывізію пад сваё камандаванне. Гофман стаў камандзірам дывізіі «Ха-Башан» у Паўночнай акрузе, якая гарантуе бяспеку Галанскіх вышынь і прылеглых да іх тэрыторый.
27 кастрычніка 2022 года заняў пасаду камандзіра Нацыянальнага цэнтра вучэнняў сухапутных войскаў.
Раман Гофман жанаты, мае трох дачок.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
Так, ураджэнец Беларусі Хаім Ласкоў (Haim Laskov) нарадзіўся ў горадзе Барысаў ў 1919 годзе. Ён удзельнік 2 Сусветнай вайны, ваяваў у вайне за незалежнасць Ізраілю. Ласкоў генерал-майор Ізраіля які быў прызначаны камандуючым Ваенна-паветраных войск Ізраіля, а потым і начальнікам Генеральнага штабу Арміі Абароны Ізраіля. Хаім Ласкоў вядомы тым, што ў 1946 годзе ў званні палкоўніка распрацаваў ваенную дактрыну Абароны Ізраіля якая дзейнічае і па сённяшні дзень. Пры гэтым з Беларуссю звязаны шмат вядомых габрэяў Сярод іх і вядомыя дзеячы Галівуду: Харысан Форд, Майкл Дуглас, Скарлет Ёхансан, Луіс Барт Маер - заснавальнік прэміі Оскар.
Так сама выхадцамі з Беларусі з'яўляюцца прэзідэнты Ізраілю: Хаім Вейцман, Луз Кадзіш, Залман Шазар, Эзэр Вейцман. Прэм'ер міністры Ізраіля: Давід Бен-Гурыён, Ігаль Алон, Голда Меір, Іцхак Рабін, Шымон Перэс, Менахем Бегін, Іцхак Шамір, Біньямін Нетаньяху, Арыэль Шарон...
Вядомые генералы Ізраілю: Хаім Ласкоў, Менахем Бегін, Арыэль Шарон, Іцхак Рабін...
Так сама сярод ураджэнцаў Беларусі ёсць і
заснавальнік Массад - ураджэнец Віцябску Ісер Харэль.
Беларусь з Ізраілем звязвае шмат эмігрантаў габрэяў. На мой погляд у вольнай Беларусі належыць стварыць музей габрэяў, габрэйскай дыяспары, выхадцаў з Беларусі, бо гэта і частка нашай гісторыі. У вольнай Беларусі абавязкова павінен быць адпаведны музей і аднавіцца самыя добрыя адносіны паміж Беларуссю і Ізраілем, як і з іншым вольным светам.
Калі яны з'язджалі жыць даўно ў Ізраіль, кляліся вернасці Ізраілю і атрымлівалі яго грамадзянства - гэта тое што калі забілі кагосьці з двайным грамадзянствам - Ізраільскія СМІ радасна пішуць "забілі амерыканцаў, США, давайце, дапамагайце нам, адпомсціце!".
Я супраць варвараў Хамасу, чакаю пакарання для іх усіх. І супраць каланізацыі Ізраілям усходняга берагу ракі Іярдан. Спадзеюся, у будучыні хтосьці прыдумае вырашэнне0- гадовай вайны, якое будзе адэкватным для ўсіх.