З-за забойства хлопчыка ў Слуцку заведзена асобная справа на службовых асоб

Генеральная пракуратура Беларусі расследуе крымінальную справу аб бяздзейнасці, дапушчанай службовымі асобамі. Яна выдзелена ў асобную з вялікай справы аб забойстве трохгадовага хлопчыка Сямёна Таратуты яго бацькамі, перадае Sputnik.

Бацькі забітага Сямёна ў судзе. Фота: «Мінская праўда»

Крымінальная справа распачатая ў дачыненні да службовых асоб, у абавязкі якіх уваходзіла прафілактыка. Але колькі чалавек праходзіць па гэтай справе і якая мера стрымання да іх ужытая, не паведамляецца.

Сёння быў вынесены прысуд бацькам забітага імі трохгадовага сына Сямёна Таратуты. Суддзя прысудзіла мужчыну выключную меру пакарання, а жанчыне — 25 гадоў калоніі строгага рэжыму. Гэта максімальна магчымае пакаранне для жанчыны ў Беларусі.

Хлопчыка рэгулярна білі, катавалі голадам, ён спаў на падлозе. Сямʼя неаднаразова трапляла ў поле зроку выхавацеляў і медыкаў. Чаму няшчасце не ўдалося прадухіліць, высветліць следства.

Чытайце таксама:

У тры гады важыў 7 кілаграмаў, спаў у куце, як сабака. СМІ пабывалі ў Слуцку, дзе бацькі на вачах іншых дзяцей забілі сына

Бацькі закатаванага трохгадовага хлопчыка выступілі з апошнім словам. Адзін шкадаваў, што жыццё так склалася, другая прамаўчала

«1000 дзён пекла». Маці забітага трохгадовага хлопчыка дала паказанні ў судзе

Каментары да артыкула