Бобі Чарлтан памёр з-за траўмы, атрыманай у выніку падзення ў доме састарэлых
Стала вядомая прычына смерці легендарнага былога футбаліста «Манчэстэр Юнайтэд» і зборнай Англіі сэра Бобі Чарльтана. Ён памёр 21 кастрычніка ва ўзросце 86 гадоў.
Як паведаміла BBC, Чарлтан дажываў свой век у доме састарэлых, дзе даглядаюць людзей з дэменцыяй. Ён страціў раўнавагу, калі ўстаў з крэсла, упаў і стукнуўся аб падваконне і, магчыма, батарэю.
Супрацоўнікі ўстановы правялі ў той час поўную праверку цела, не заўважылі ніякіх бачных пашкоджанняў і зафіксавалі, што рухавасць Чарлтана, як ім здавалася, не змянілася. Але потым яны заўважылі ацёк на яго спіне і выклікалі парамедыкаў. Рэнтген грудной клеткі і камп'ютарная тамаграфія паказалі, што ён зламаў рэбры і, верагодна, у яго развілася пнеўманія.
Тады лекары вырашылі, што пацярпеламу варта аказаць паліятыўную дапамогу, а праз 5 дзён ён памёр. У ходзе расследавання было ўстаноўлена, што Чарлтан меў шырокую гісторыю хваробы, а таксама ў верасні заразіўся каранавірусам.
Прычынай смерці назвалі траўму лёгкіх, падзенне і дэменцыю.
Большую частку кар'еры гульца, з 1956 да 1973 года, Чарлтан правёў у складзе «Манчэстэр Юнайтэд». Гуляючы за гэты клуб, ён забіў рэкордныя 249 галоў (нашмат пазней гэты рэкорд быў пабіты Уэйнам Руні), а агульная колькасць згуляных за «Манчэстэр Юнайтэд» матчаў склала рэкордныя 758 гульняў (рэкорд быў пабіты Раянам Гігзам).
У 1966 годзе, пасля перамогі зборнай Англіі на чэмпіянаце свету па футболе, Чарлтан атрымаў «Залаты мяч» як найлепшы футбаліст года. Акрамя таго, Чарлтан выйграваў чэмпіянат Англіі і Кубак еўрапейскіх чэмпіёнаў.
Чарлтан таксама вядомы тым, што выжыў у авіякатастрофе ў Мюнхене ў 1958 годзе, у якой разбіўся самалёт з камандай «Манчэстэр Юнайтэд» на борце. З 44 чалавек, якія знаходзіліся ў самалёце, загінулі 23, яшчэ 19 атрымалі раненні.
Чытайце таксама:
Экс-гульца зборнай Расіі арыштавалі з паўкілаграма наркотыкаў
Ліянель Месі атрымаў восьмы «Залаты мяч»
Жэрар Піке грымнуўся ў двухметровую яму, размаўляючы па смартфоне