Ва ўзросце 86 гадоў памёр знакаміты англійскі футбаліст, чэмпіён свету па футболе 1966 года сэр Бобі Чарлтан.
У заяве сям'і Чарлтана гаворыцца: «З вялікім смуткам мы паведамляем навіну пра тое, што сэр Бобі мірна памёр ранняй раніцай у суботу, у атачэнні сваёй сям'і».
Большую частку кар'еры гульца, з 1956 да 1973 года, Чарлтан правёў у складзе «Манчэстэр Юнайтэд». Гуляючы за гэты клуб, ён забіў рэкордныя 249 галоў (нашмат пазней гэты рэкорд быў пабіты Уэйнам Руні), а агульная колькасць згуляных за «Манчэстэр Юнайтэд» матчаў склала рэкордныя 758 гульняў (рэкорд быў пабіты Раянам Гігзам).
У 1966 годзе, пасля перамогі зборнай Англіі на чэмпіянаце свету па футболе, Чарлтан атрымаў «Залаты мяч» як найлепшы футбаліст года. Акрамя таго, Чарлтан выйграваў чэмпіянат Англіі і Кубак еўрапейскіх чэмпіёнаў.
Чарлтан таксама вядомы тым, што выжыў у авіякатастрофе ў Мюнхене ў 1958 годзе, у якой разбіўся самалёт з камандай «Манчэстэр Юнайтэд» на борце. З 44 чалавек, якія знаходзіліся ў самалёце, загінулі 23, яшчэ 19 атрымалі раненні.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»15
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары