На будаўніцтве «Мінск-Свету» рабочы зваліўся з вышыні
25-гадовы арматуршчык атрымаў траўмы на будаўнічым аб'екце «Мінск Свет». Ён выконваў работы на 12-м паверсе, спатыкнуўся і зваліўся ў неагароджаны праём міжпаверхавага перакрыцця, паведамляе прэс-служба Следчага камітэта. Няшчасны выпадак адбыўся сёння каля 17-й гадзіны.
Рабочага, які атрымаў розныя траўмы, ягоныя калегі знайшлі на 8-м паверсе. Цяпер ён знаходзіцца ў рэанімацыі.
Кастрычніцкі раённы аддзел Следчага камітэта праводзіць па гэтым факце праверку.
Гэты няшчасны выпадак — ужо далёка не першы на будаўніцтве «Мінск Свету». Так, у студзені тут адбылося два выпадкі гібелі рабочых, у жніўні — яшчэ адзін. За мінулы год на тэрыторыі аб'екта зарэгістраваныя 4 выпадкі вытворчага траўматызму, 3 з іх — са смяротным зыходам. Тыя ж 4 выпадкі, з іх 2 са смяротным зыходам, былі зафіксаваныя ў 2021 годзе.
Чытайце таксама:
У Магілёве на будоўлі школы загінуў рабочы
СК завёў крымінальную справу па факце выбуху на Аршанскім мясакансервавым камбінаце
Мужчына ехаў на ровары без флікераў. Каб аштрафаваць яго, спынілі працу калектыву