СК завёў крымінальную справу па факце выбуху на Аршанскім мясакансервавым камбінаце
У выніку выбуху пацярпелі пяць чалавек, дзве жанчыны ў рэанімацыі.
![](http://nashaniva.com/img/w732d4webp1/photos/z_2023_11/sloiki231103-c3yq3.jpg.webp)
Фота: СК
Вядома, што пры стэрылізацыі гатовай прадукцыі ў аўтаклаве адбыўся зрыў накрыўкі з выкідам пары, вады, а таксама металічных слоікаў з кансерваванай прадукцыяй. Цялесныя пашкоджанні атрымалі пяць чалавек, якія былі ў непасрэднай блізкасці да аўтаклава.
Сярод пацярпелых 50-гадовы мужчына і чатыры жанчыны ва ўзросце ад 31 да 55 гадоў. Дзве жанчыны знаходзяцца ў рэанімацыі, адна — у цяжкім стане.
Следчыя правялі паўторны агляд месца здарэння, канфіскавалі механізмы кантролю ціску і тэмпературы аварыйнага скіду пары. Вядзецца допыт сведкаў.
Распачата крымінальная справа па ч.1 арт.306 (парушэнне правілаў аховы працы) Крымінальнага кодэкса.
Каментары
бедныя жанчыны... (
на мясакамбінатах вялікі траўматызм. і часта гэта скрываецца. асабліва ў нашай краіне. не скрываецца толькі, калі ўжо скрыць немагчыма, як у дадзеным выпадку