БелАЗ будуе ў Оршы новы завод
У будаўніцтва кольцараскатнай вытворчасці БелАЗ укладзе агулам 194,8 млн рублёў. Гэта дазволіць у 2025 годзе вырабляць сталёвыя загатоўкі для падшыпнікаў, шасцерняў і іншай прадукцыі дыяметрам да 3 метраў і масай да 3 тон, паведамляе прэс-служба прадпрыемства.
Фота: belaz.by
Увядзенне завода ў эксплуатацыю мусіць даць прадпрыемству магчымасць забяспечыць загатоўкамі вытворчасць буйнатанажных самазвалаў. Акрамя таго, плануецца, што іх можна будзе пастаўляць і на экспарт у Расію, таму што гэтыя загатоўкі выкарыстоўваюцца ў машынабудаванні, вытворчасці авіярухавікоў, атамнай энергетыцы, суднабудаванні і іншых галінах.
Асноўны аб’ём работ на абʼекце плануецца завяршыць у 2024 годзе. Кантракты на пастаўку аўтаматызаванай лініі для вырабу кальцавых загатовак і ўчастка тэрмічнай апрацоўкі заключаныя яшчэ ў 2021 годзе. Цяпер абсталяванне, як паведамляецца, ужо вырабленае, хутка яго даставяць у Оршу і пачнуць мантаж у новых цэхах.
Чытайце таксама:
СК назваў самыя гучныя карупцыйныя справы мінулага года і самы вялікі памер хабару
Параўналі цэны на новыя зімовыя шыны ў Беларусі, Польшчы і Літве. Вынік нечаканы