З «Яндэкс Карт» зніклі назвы Эгейскага мора і вострава Лесбас
У кампаніі сцвярджаюць, што здарылася тэхнічная памылка.
Карыстальнікі заўважылі, што з сэрвісу «Яндэкс Карты» зніклі назвы Эгейскага мора, а таксама грэцкага вострава Лесбас.
Як мяркуюць, знікненне звязанае з забаронай ЛГБТ у Расіі. У той жа час іншыя геаграфічныя пункты кшталту горада Гейлорда засталіся.
У прэс-службе кампаніі «Яндэкс» заявілі «Новай газеце Еўропа», што Эгейскае мора знікла з-за «тэхнічнай памылкі, якую ўжо выправілі».
«Сусветная карта падзелена на часткі для зручнасці рэндэрынгу. У раёне Эгейскага мора якраз стыкуюцца некалькі такіх частак. Пры абнаўленні схемы адбылася тэхнічная памылка і геаграфічная назва часова знікла», — паведамілі ў прэс-службе.
Чытайце таксама:
З расійскіх музычных анлайн-платформаў выдалілі «Голубую луну»
Суд знайшоў «прапаганду ЛГБТ» у кліпе апантанага прыхільніка вайны Мікалая Баскава