«Надзець на шыю стужку ЛГБТ — для мяне гэта проста край». Лёгкаатлетка Мірончык-Іванова расказала пра свае каляровыя фобіі
Вядомая лёгкаатлетка з актыўнымі праўладнымі поглядамі Анастасія Мірончык-Іванова прыйшла ў прапагандысцкую праграму Марата Маркава на АНТ і там расказала пару выпадкаў з жыцця, калі ёй нібыта «канкрэтна навязвалі» ЛГБТ праз сцяжкі і стужачкі вясёлкавых колераў.
Першая з гэтых гісторый тычылася выступлення на нейкіх спаборніцтвах:
«Мы выступалі на памосце. Па-мойму, гэта быў этап Брыльянтавай лігі альбо нейкі міжнародны турнір. Стаяў памост для скачкоў у даўжыню. Каля будынка адміністрацыі, парламента, па-мойму, праводзіліся гэтыя спаборніцтвы. І ўсё было ў ЛГБТ-сцяжках, у тым ліку ветрадуй, дзе спартсмены арыентуюцца на сцяжок.
Я стаю на разбегу і гляджу на ветрадуй, мне не вельмі прыемна. Ніхто нас пра гэта не пытаўся, ці варта яго ўсталёўваць з гэтым сцяжком. Гэта было навязванне канкрэтнае».
А другая была звязаная з колерам стужкі да медалёў чэмпіяната свету 2011 года, дзе Мірончык-Іванова спачатку здабыла чацвёртае месца, але пасля дыскваліфікацыі расіянкі Вольгі Кучарэнка паднялася на трэцяе:
«Яшчэ адзін выпадак у мяне быў, калі мне вярнуўся медаль з чэмпіянату свету — ён прыйшоў са стужкай ЛГБТ. Надзець на шыю стужку ЛГБТ — для мяне гэта зусім, гэта проста край… Я абрэзала гэтую стужку. Цяпер медаль у мяне без стужкі.
Часта прыходжу да дзетак у школу, яны задаюць пытанне, чаму медаль без стужкі. Я адказваю, што Беларусь — за традыцыйныя сямейныя каштоўнасці. Так здарылася, што медаль прыйшоў са стужкай ЛГБТ, якую давялося выдаліць».
«Пазнаёміла дзяцей са светам армейскага спорту». Дзе цяпер легендарная вяслярка Кацярына Карстэн
Дык ці паедзе Недасекаў на Алімпіяду? Вось чаго чакаць ад аслаблення спартовага бану
«Балі і абдыманкі з Лукашэнкам — не палітыка?» Спыталі ў сумленных спартсменаў, ці варта зняць спартовы бан з Расіі і Беларусі
Прадае тэлефон, выступае на расійскіх турнірах. Чым жывуць найбольш прыкметныя спартсмены — прыхільнікі Лукашэнкі
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары
Ані ЛГБТ, ані лукашызм не трэба навязваць, а іх навязваюць. Па што мне гэта? Мяне не хвалюе, хто як рэалізуе свае сэксуальныя фантазіі. Абы толькі не шкодзілі.