Пастаўскага педагога аштрафавалі за «экстрэмісцкія» падпіскі
Суддзя суда Пастаўскага раёна Наталля Максімовіч 28 лістапада за падпіску ў сацыяльных сетках на чатыры «экстрэмісцкія» інфарэсурсы пакарала штрафам у памеры 555 рублёў і канфіскавала ў даход дзяржавы тэлефон выхавацелькі карэкцыйна-развіваючага цэнтра Наталлю Сідлярэвіч, паведамляе «Віцебская вясна».
У пратаколе аб адміністрацыйным парушэнні, які паступіў у суд з мясцовага аддзялення міліцыі, запісана, што Наталля Сідлярэвіч са жніўня 2020 года была падпісаная на старонкі «Белсат», Tut.by, «Мая краіна вольная вялікая еўрапейская Беларусь!!!» у сацыяльнай сетцы «Одноклассники», а таксама тэлеграм-канал Symbal.by. Публікацыі гэтых інфармацыйных рэсурсаў улады раней занеслі ў рэспубліканскі спіс экстрэмісцкіх матэрыялаў.
На судовым пасяджэнні жанчына сваю «віну» прызнала і заявіла пра раскаянне. Гэта паслужыла для суддзі Максімовіч дастатковым, каб прымяніць у дачыненні да «правапарушальніцы» адносна мяккае пакаранне ў рамках ч. 2 арт. 19.11 КаАП — штраф у памеры пятнаццаці базавых велічынь, а таксама канфіскацыя мабільнага тэлефона IPhone 4S.
Чытайце таксама:
Масавыя затрыманні пасля 18+ хентай-вечарынкі ў Мінску
Супраць палітвязня Алега Рубца завялі новую крымінальную справу. Ён зноў у ШІЗА